前港姐靚過選美時,著泳衣大曬火辣曲線!

呢排,前港姐張名雅忙住拍攝新劇《七公主》而剪短髮,佢話:「自己呢幾年都係長頭髮,對上一次剪短髮應該係喺2013年做《姊妹淘》嘅時候剪短,而家再剪短髮信心會大啲。」

當年張名雅參選香港小姐都係長頭髮,8年過去身形愈嚟愈弗,真係好似食咗防腐劑咁樣。

日前,張名雅喺社交平台曬出同老公出海滑水嘅相,身穿一件頭泳衣嘅佢大曬火辣曲線,梗係唔少得要喺「520」呢個日子,放閃曬恩愛。

講到新劇《七公主》,張名雅直言未試過拍攝女人劇,成班女人開工相當開心,仲話:「監制話其實呢套劇唔係得七個公主,每個女性演員都係公主,所以我都當自己係公主咁拍,哈哈。」

講到張名雅,其實佢係2012年度香港小姐競選冠軍,之後佢仲參選華裔小姐競選贏得溫哥華華裔小姐亞軍、同國際中華小姐季軍嘅名銜。

張名雅喺2015年《以和為貴》中飾演活潑小三蘇花(Betty),同男女主角馬德鐘同徐子珊有多場對手戲,畀網民大贊收放自如,演技大爆發,之後張名雅有份演出《鬼同你OT》更大獲好評,收視不俗。

而直到2016年7月31日,張名雅突然宣佈同拍拖一年半嘅圈外律師男友蔡錦豪(Joe)結婚,同年11月喺社交平台宣佈大肚,2018年7月14日,再次宣布懷孕四個月!

唔理點樣,梗係希望張名雅可以繼續畀我哋帶嚟多啲更精彩噶演出,期待佢嘅表演!

Like MisshkNews Facebook!不出门也能知天下事~

發表回覆

你的電郵地址並不會被公開。