前港姐面試片段首曝光,身材太好被質疑整形

呢排前港姐高海寧兩劇齊齊出街(《殺手》、《迷網》),呢日TVB特別制作一條以《高海寧「峰」芒初露時》為題嘅短片,首度公開高海寧喺2008年選香港小姐嘅面試片段。(文章最後有片段

片中決賽嘅泳衣環節,高海寧畀評審問媽咪係南京人、老竇係香港人,香港人點解跑去南京搞咁多嘢?高海寧爽快答:「我老竇去做生意,緣分整定咗父母喺南京相遇,之後生咗我。」

高海寧最終喺決賽五強止步,原來對佢而言係如釋重負。高海寧曾經喺節目講過一直冇打算選港姐,反而係高媽媽有個歌手夢,高媽媽將自己嘅心愿投放喺自己身上。

當初高海寧為咗讀書,堅持唔選港姐,後尾親友嘅鼓勵加埋爸爸說服,最終鼓起勇氣挑戰,高海寧笑言:「我讀書嗰陣,爸爸最初都唔贊成,不過聽到當年外景係去加勒比海,爸爸就話可以當去旅行。」

入行之後,高海寧曾經因身材好畀定型為「花瓶」,一度壓力爆煲而患上抑鬱症,佢曾經覺得自己唔啱做藝人,更諗過退出娛樂圈,但自知冇工作經驗、學歷唔高,轉行都有困難,所以決定留低繼續發展,希望做出成績。

皇天不負有心人,呢幾年高海寧有份演出多部作品,除咗而家熱播嘅《殺手》同《迷網》之外,仲有《C9特工》、《反黑路人甲》等陸續出街。

舊年,高海寧有幸同張智霖搭檔,參與邵氏賀歲電影《非凡三俠》,而家又拍《七公主》,演出機會愈來愈多,高海寧要繼續加油!


最後一齊睇下TVB制作嘅《高海寧「峰」芒初露時》為題嘅短片啦!

Like MisshkNews Facebook!不出门也能知天下事~

發佈回覆

你的電郵地址並不會被公開。