前港姐首度復出做嘢,直言追女隨緣

前港姐陳凱琳今年7月份生落第2胎,細仔改名鄭承亮(Yannick),今日係佢產后首度復出做嘢,見到佢著上白色性感低胸裙出席拍賣行活動。

陳凱琳笑言喺屋企99%時間都會著睡衣照顧小朋友,唔會打扮得咁靚,而且現時仲係喂人奶,呢胎壓力大咗少少,因為要分配時間畀大仔鄭承悅(Rafael)同細仔(Yannick)。

記者問到老公鄭嘉穎會唔會幫手湊仔?陳凱琳指老公好忙,但放工返屋企會帶小朋友去公園玩,而大仔亦好錫細佬,并冇呷醋。

追問佢哋會唔會追個女?陳凱琳話:「唔敢講,順其自然,現階段真係好忙,打算先睇照顧好兩個小朋友,老公都話順其自然,宜家我哋重點都會放喺兩個小朋友身上。」

Like MisshkNews Facebook!不出门也能知天下事~

發佈回覆

你的電郵地址並不會被公開。