前港姐22歲參加新秀似「中女」,而家越嚟越索……

呢日,見到前港姐蘇韻姿同朋友喺銅鑼灣等的士,頸掛住相機,孭住愛馬仕,但佢揀嘅係近萬蚊嘅布袋款式,襯托佢清純外型,毫不俗氣,唔怪得蘇韻姿形象入屋之餘,仲係網民中意嘅對象。

蘇韻姿係觀眾眼中嘅乖乖女,係2016年落選港姐,佢入行三年,無論打扮,抑或唱功,尤其對比佢喺2015年喺加拿大參加新秀嘅樣,可謂大有進步,甚至逆齡重索少女味。

蘇韻姿喺加拿大嘅大學主修戲劇,副修音樂,曾經喺2015年參加多倫多《星秀動全城》嘅新秀大賽,當時得22歲嘅佢,打扮成熟得似一個30歲女人。

有音樂功底嘅蘇韻姿,進入娛樂圈之後,仲不時把握機會唱番兩咀。除咗喺外快show曬下唱功,最近佢仲將生活片擺上網,見到佢唱住歌吹頭。

蘇韻姿識唱歌,又識玩樂器,唔知幾時TVB俾機會佢唱主題曲,唔使來來去去,喺電視聽到嘅,都係菊梓喬、譚嘉儀、吳若希,何雁詩嘅循環歌聲。

Like MisshkNews Facebook!不出门也能知天下事~

發佈回覆

你的電郵地址並不會被公開。