前港姐37歲生日,《愛回家》劇組溫馨送蛋糕慶祝

前港姐呂慧儀喺TVB處境劇《愛回家之開心速遞》飾演「熊若水」呢個角色大受歡迎,人氣急升,同劇中一眾演員更似一家人,關係融洽。

今日係呂慧儀37歲生日,原來尋晚一班《愛回家》藝人同佢食飯慶祝,片中見到「熊家」一早備咗兩個蛋糕,壽星女見到咁靚嘅蛋糕表現興奮,切蛋糕仲要切咗幾次,又笑到見牙唔見眼。

而踩正半夜12點,「朱凌凌」吳偉豪坐呂慧儀順風車時,好識做噉冧爆唱生日歌畀壽星女聽,呢一班戲內戲外都似足屋企人嘅《愛回家》成員,睇到令人羨慕呀!

發表回覆

你的電郵地址並不會被公開。 必要欄位標記為 *