前港姐4劇衝擊視后,驚觀眾出年見唔到我

前港姐高海寧同黎諾懿現身TVB熱播劇集《C9特工》嘅宣傳活動,高海寧一連四劇出街,《C9特工》劇終于進入結局周,記者問到高海寧有乜心情。

高海寧話:「連續出街四套劇集,我好開心,之后可以休息一下,但我冇咗存貨,而家得返一套《七公主》未出街,我驚觀眾出年見唔到我。」

黎諾懿即安慰高海寧話:「你呢段時間可以返大陸拍劇,我今年就出街咗一套,但都係呢一套存貨,我都想拍多啲劇。」佢透露有三個介紹煮食綜藝節目,所以呢排忙住構思菜單。

高海寧講到觀眾對佢連播四劇嘅反應:「反應好好,而且觀眾最鐘意睇《C9特工》。(觀眾有無話睇到膩?)連播四套唔係我可以控制,觀眾都明,佢哋話見到我進步。」

對于連推四劇係TVB高層為高海寧攞TVB視后而作出鋪路,佢坦言:「我唔敢諗攞TVB視后,呢啲係天時地利人和,唔係我可以控制,我只係做好自己本分。」

至於黎諾懿既有拍劇又做主持工作,佢話:「哈哈,我希望可以到最佳主持、最佳節目同視帝三個獎,到時我就可以息影,為息影而作出鋪路。」

Like MisshkNews Facebook!不出门也能知天下事~

發佈回覆

你的電郵地址並不會被公開。