前華姐備受TVB力捧,竟然選擇返鄉下做營養師

呢幾年,TVB好唔容易睇啱咗林宣妤,當年林宣妤喺2017年參加咗國際中華小姐競選并勇奪亞軍,當選華姐之後林宣妤一直備受TVB力捧,可惜佢留喺TVB未夠三年,日前傳出消息佢決定離巢,選擇返鄉下做營養師。

林宣妤除咗客串演出劇集《她她她的少女時代》,呢排TVB兩部重頭劇《使徒行者3》同《反黑路人甲》,林宣妤更被安排飾演林峯女友,係TVB力捧小花。

雖然機會擺喺眼前,但今年5月份約滿TVB嘅林宣妤,佢同TVB拉鋸多時,最終決定唔續約走人。

據知情者透露:林宣妤當選華姐之後,TVB對于佢一直都好上心,不過林宣妤拍咗幾套劇之後,佢覺得自己唔慣娛樂圈生活。

而且加埋林宣妤屋企人全部喺馬來西亞,導致其患有「思鄉病」,所以上年尾TVB一直想簽林宣妤做「TVB親生女」,但佢最後決定唔續約返大馬做營養師。

林宣妤要離開唔單止係TVB損失,佢嘅緋聞男友丁子朗都好難過,皆因佢哋感情本來甜蜜穩定,不過呢排因為簽約問題有意見分歧,因為丁子朗啱啱同TVB簽長約,而女友林宣妤卻選擇離開TVB。

Like MisshkNews Facebook!不出门也能知天下事~

發佈回覆

你的電郵地址並不會被公開。