前華姐曬仔仔正面照,入行11年依然美艷動人!

岑麗香從2009年出道,到而家已經11年。佢當年仲係幼嫩嘅華姐冠軍,變成人見人愛嘅「香香公主」,再到4年前變成人妻,入行11年依然美艷動人!

喺舊年,岑麗香為老公「強強」生落仔仔,改名為Jacob,唔經唔覺已經一年,喺呢個重要日子,岑麗香都喺其社交平台公開仔仔嘅正面照。

見到Jacob眼仔碌碌,頭發濃密帶啡色,兩邊面珠圓潤,非常得意!而岑麗香就以淡妝示人,依然美艷動人。連好姊妹黃翠如都忍唔住留言話:「so cute mother n son。」

經典醫療劇《On Call 36小時II》正在夜深時段重播,岑麗香喺《On Call 36小時II》中飾演醫院義工車車,單純、善良嘅人物性格同佢形象好吻合。

劇中,岑麗香因病導致器官衰竭離世,呢一幕讓唔少觀眾睇到眼濕濕,自然嘅演技令觀眾完全投入其中,岑丽香同羅仲謙嘅感情戲演繹細膩,獲網民激贊。

講到事業上,當初岑麗香摘得2010年國際中華小姐冠軍殊榮,入行時仲擔任過TVB主力節目嘅主持人,最為觀眾熟悉嘅就係喺《港生活港享受》節目中嘅表現。

2012年,岑麗香開始拍劇,佢喺第二套劇《巴不得媽媽…》已經係第三女主角,更憑借「香香公主」呢個角色大受歡迎,人氣急升。

2013年岑麗香喺《神槍狙擊》佢飾演一個女飛虎,都係佢作品中少有騷身材嘅劇集,佢與男飛虎共同訓練嘅時候,身穿灰色小背心更加凸顯好身材,更畀網友評為「最胸狠女飛虎」。

岑麗香最令人難忘一刻,一定係喺華姐擔任頒獎嘉賓,一身nicole+feliciacouture嘅設計晚裝,嗰晚究竟係邊位佳麗攞冠軍?冇人記得,因為大家只記得岑麗香,更有唔少網民覺得岑麗香嗰晚再選,一樣會贏。

呢排,岑麗香復出拍攝TVB新劇《BB大晒》,直接上位做女主角,冇拍劇一段時間,重回劇組嘅佢覺得好新鮮,而開工嘅嗰陣,佢好掛住仔仔,好彩屋企人嘅支持同鼓勵,先令佢安心接拍,千祈唔好錯過。

Like MisshkNews Facebook!不出门也能知天下事~

發佈回覆

你的電郵地址並不會被公開。