前華姐難得開金口唱歌,卻畀網友嘲似唱K!

TVB懷舊音樂節目《流行經典50年》,除咗請一眾唱家班演出,都會邀請一班唔係歌手出身嘅藝人們唱歌,日前播出嘅一集,就邀請36C前華姐張曦雯(Kelly)。

張曦雯主要以做戲同主持為主,難得開金口上《流行經典50年》唱歌,唱咗樂壇天後鄭秀文(Sammi)嘅《親密關系》,但節目出街之後,引起網民嘅討論。

有粉絲就力贊張曦雯唱得好好聽,而且人靚聲甜。不過,同時都有指佢歌藝有待改善,狠評「五音不全」、「翻去唱k算啦」。

其實張曦雯一向都系網友心目中嘅女神,喺美國大嘅佢,入行後憑主持《Pearl Tonight》同《3日2夜》而畀力捧為女神,更因為直播打機建立咗貼地嘅形象,深受網友歡迎。

唔理點樣,梗係希望張曦雯可以繼續畀我哋帶嚟多啲更精彩噶演出,期待佢嘅表演!

發表回覆

你的電郵地址並不會被公開。