前香港先生宣佈太太有咗,約埋出年一家三口玩瑜伽

前香港先生吳云甫(Owen)今年3月份同拍拖唔夠一年嘅瑜伽導師嘅林瑋如結婚,新婚兩個月之後,吳云甫今日喺社交平台宣布老婆有喜,宜家已經懷孕三個月。

日前,吳云甫同老婆喺社交平台曬出兩個人玩瑜伽嘅相,吳云甫發文講∶「今次可能係我哋2020年最後一次玩acro yoga,因為吳太太個肚越嚟越大,又越嚟越重,睇下出年,我哋試嚇一家三口玩三人瑜伽。」

太太林瑋如事後都發文回復吳云甫話∶「畀你搶先一步公布咗消息,仲要投訴我又肥又重。不過算啦,呢段時間辛苦你啦老公。大家好,我哋要組織三人家庭啦!各位同學唔使擔心,我會教到生為止嘅。」

吳云甫今日接受傳媒采訪時話:「其實今次算係計劃之內嘅事,前年我阿妹去拜神求子,之後真係畀佢求到,到舊年佢去還神,我同太太一齊去嘅,於是我哋順手拜一拜,跟住就成功懷上喇!」

問到太太目前嘅懷孕情況,吳云甫話:「佢嘔得好犀利,嘔到無力氣同冇精力,呢段時間,因為疫情冇乜瑜伽班上堂,我得閒就喺戶外教健身,所以乘機畀佢休息嚇!」

講到吳云甫,其實佢喺2009年參加香港先生入行,曾擔任TVB娛樂新聞臺外景主持人,期間演出過多部TVB經典劇集,不過都係配角為主,戲份發揮唔大,但佢就好樂觀表示係為咗積累做戲嘅經驗。

2017年吳云甫約滿離巢TVB外闖,到大陸拍攝網劇同電影,2019年佢以自由身參演《荷里活有個大老千》,戲份頗重。

最後,再次恭喜吳云甫,希望佢喺之後嘅事業上可以有所成就,加油!

Like MisshkNews Facebook!不出门也能知天下事~

發表回覆

你的電郵地址並不會被公開。