前香港先生許家傑憑借處境劇《愛回家之開心速遞》「送水輝」呢個角色人氣急升，成功入屋，現在37歲生日嘅許家杰就獲劇中一班好拍檔為佢慶祝。
當中除咗有「金城四」周家洛、「KC」歐瑞偉、岑杏賢同趙希路等人之外，梗係唔少得同許家傑組成CP嘅「大小姐」林淑敏啦！
許家傑喺社交平臺大曬生日靚相，并留言表示：「生日工作中度過，祝大家日日有工開。」
可能好少人知道，許家傑其實係香港先生出身，以2009年香港先生冠軍身份入行嘅佢，佢最初做奸角，直到佢憑藉「送水輝」呢個角色成功入屋人氣急升，許家傑入行有11年啦。
喺2009年，許家傑參選香港先生，喺報名之後人氣一直高漲，毫無懸念攞咗當年嘅冠軍，順利進入娛樂圈，按道理講佢嘅演藝之路應該一片光明，前途無量。
但許家傑入行初期，一直未能得到TVB重視，佢曾經仲畀調去《東張西望》做主持人。許家傑曾經喺采訪中透露，入行之前係一位核算師，未考牌但月收入已經可以有三萬蚊，佢不惜放棄高薪厚職去追夢。
直到2017年，許家傑先迎來咗一個機會，佢喺《愛回家之開心速遞》中飾演送水輝呢個角色，佢同林淑敏飾演嘅大小姐組成螢幕CP，大受歡迎，令佢人氣急升。
其實，「送水輝」呢個角色最初嘅設定得一集，但正因為許家傑同林淑敏嘅故仔好得意，捉住咗觀眾嘅好奇心，於是呢個角色有咗拓展延伸，就連許家傑都冇諗過，自己可以喺《愛回家》接到咁多集數嘅角色。
2018年，許家傑第一次畀提名《萬千星輝頒獎典禮》中嘅“最受歡迎電視拍檔”，都係佢入行以來第一次參加頒獎典禮。
入行11年，從來冇做過主角，都冇攞過獎，許家傑曾經表示，“唔中意真係做唔到呢行。”佢憑借住對做戲嘅熱愛，讓佢一直堅持到今日，希望佢喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
