前TVB花旦回巢拍《BB來了2》,竟然仲未知道邊個係老公

日前,前「TVB花旦」岑麗香穿白色貼身連身裙出席珠寶店活動,11月17日係岑麗香35歲生日,岑麗香并冇透露升呢做媽咪后嘅首個生日點慶祝,佢只表示可以同老公強強和仔仔Jacob一齊慶祝已經好開心滿足。

岑麗香透露月尾會拍一部電影,仲話從懷孕到而家已有一段時間冇演出,所以要提前做功課,但另一方面又唔捨得仔仔,真係好矛盾。

講到岑麗香頂替李佳芯拍攝《BB來了2》,岑麗香話係明年開拍,暫時劇名都未定,亦唔知道「老公」係邊個飾演。

講到「執二攤」,岑麗香話:「我冇咁諗,有角色就去做,都係一個挑戰,自己呢一年都係一個新經歷,佗B、生B、湊B、做新手媽咪,所以飾演呢個角色都好期待。」

李佳芯原本係TVB力捧花旦,舊年更憑《BB來了》斬獲視後大獎,但因為喺社交平台發表言論畀網友抵制封殺。


李佳芯繼較早前喺TVB公布節目巡禮2020新劇,《殺手》鏡頭僅出現一秒,而《踩過界2》就冇出現過,而家再次確定《BB來了》大換角,由岑麗香頂替演出。

或者呢d係公司角色調整需要,但具體係乜原因,相信得高層先知道。

發表回覆

你的電郵地址並不會被公開。 必要欄位標記為 *