前TVB花旦素顏出行好似少女,唔講真係睇唔出已經43歲

外形嬌小樣甜美嘅文頌嫻喺亞洲電視出身,2000年轉簽TVB曾經獲重用,力捧成為TVB花旦,但文頌嫻喺2012年結婚生女,從此退出娛樂圈,安心喺屋企相夫教子。

當年20幾嘅歲佢同而家43歲相差唔多,被網友指食咗「防腐劑」。

雖然商人老公李梓慎背景神秘,但文頌嫻結婚之後過住幸福少奶奶生活,每日帶女返學放學上興趣班,得閑嗰陣約班好姊妹佘詩曼、湯盈盈、周家蔚同Toby梁靖琪聚會開派對。

每次小朋友放大假,文頌嫻就特別忙,因為要安排好多活動畀啲仔女,較早前一放暑假組織幾個家庭一齊飛去臺灣玩,有時湯盈盈同周家蔚唔得閑,文頌嫻都會幫手幫帶仔女。

上個月文頌嫻生日,七魔女又開派對慶祝,壽星女文頌嫻素顏現身,43歲嘅佢依然係皮膚滑溜,身材不變。

而家嘅文頌嫻與最近重播嘅《烈火雄心2》中嘅佢,真係冇任何分別。

發表回覆

你的電郵地址並不會被公開。 必要欄位標記為 *