加入TVB首部作品終于出街!55歲首屆亞姐冠軍:難忘每日通宵趕戲

日前,前亞姐黎燕珊與一眾TVB藝人齊齊現身,為TVB新劇《十二傳說》做宣傳。據悉,呢部劇圍繞多個香港都市傳說為題材,講述眾多離奇詭異嘅故事,比如《新娘潭靈異事件》、《華富村UFO綁架》、《西貢結界》等,未出街就已經人氣高企,民望好高!

期間,受訪時黎燕珊表示呢部劇集系喺兩年前拍攝,都系自己當時加盟TVB後嘅第一部劇集作品,而家終于迎來見光之日,梗系好興奮!

她笑說:”TVB好似一個大家庭一樣,又撞見以前邵氏訓練班嘅老同學歐瑞偉,大家都好尊重我,當正我系資深師姐一樣。”

前亞姐黎燕珊曾經系亞視當家花旦,備受力捧,期間佢參與拍攝經典劇集,比如《西施》、《喜寶》、《成吉思汗》等,都好深入民心。

據悉,喺未加入亞視之前,其實黎燕珊一早出道簽約喺邵氏旗下拍戲,佢曾經接受訪時表示,當時因為遭到前輩級影帝騷擾,先決心離開另謀出路。

於是,黎燕珊報名參加咗首屆亞洲小姐競選并奪得冠軍,之后佢順利簽約喺亞視旗下發展,主力拍攝電視劇。

1992年,黎燕珊結婚之後就退出演藝圈,雖然期間都試過短暫復出拍戲,但佢都系以家庭為主,作品唔多。

直到2017年,鐘意做戲嘅黎燕珊同TVB簽兩年經紀合約,先正式復出拍戲。佢曾經表示,希望復出喺TVB發展,可以拍攝多一啲劇集,事關退隱多年,佢一直未忘記自己演員嘅身份,戲癮一直都有,而家終于可以自由選擇,佢希望拍攝多啲戲畀觀眾睇。

據悉,除咗《十二傳說》之外,跟住落來黎燕珊喺《法證先鋒4》都有份演出,各位粉絲記得到時候千祈唔好錯過。

發表回覆

你的電郵地址並不會被公開。 必要欄位標記為 *