十一年情難斷,英皇旗下模范情侶畀爆復合

喺2018年嗰陣宣佈分手嘅洪卓立湯怡,雖然唔再係情侶關係,但係佢哋卻係再見亦是朋友,得閑嗰陣仲會因為兩人嘅「仔女」而相約見面。

當年傳媒問到湯怡係咪有同洪卓立復合嘅可能,湯怡大方表示,「唔知道,不過我希望之後再拍拖可以揾到一個可以托付終身嘅人。」

話說,湯怡呢番說話真係畀咗一眾網民好多遐想嘅空間,唔通佢哋仲有復合嘅可能性?定係言下之意,洪卓立唔係一個可以值得托付終身嘅人呢?

洪卓立同湯怡係娛樂圈中出咗名嘅模范情侶,但再深嘅感情難敵歲月,佢哋拍拖十一年最終以分手收科,真係應驗咗嗰句「不婚就分」。

呢排更傳出佢哋複合,有媒體就向湯怡求證,佢表示同洪卓立之間永遠唔會話不,并坦言分手呢段期間,其實身邊出現唔少異性,但卻苦於無下文,自己都覺得好無奈。

除咗感情事,由湯怡參演嘅《反黑路人甲》就要喺下個月出街,湯怡坦言幾多都會有啲緊張,但更多係覺得開心,希望到時可以得到大家嘅支持。

其實《反黑路人甲》都算係TVB嘅重頭劇,相信有「TVB視帝」王浩信同一班實力演員,到時候出街嘅收視一定會好唔錯,missH對此都係好期待。

Like MisshkNews Facebook!不出门也能知天下事~

發佈回覆

你的電郵地址並不會被公開。