卸貨成功!前TVB小花喜獲千金升呢做媽咪:老公陪產親手剪臍帶

前TVB小花張美妮舊年12月宣布與老公黃偉強成功造人,轉眼嚟到6月,張美妮今日終于現身社交平臺公布喜訊,正式宣布自己已經順利誕下愛女「笑咪咪」,升呢做媽咪,真系恭喜恭喜!

張美妮開心留言謂:「我們的寶貝女出世了!同大家介紹她的乳名叫『笑咪咪』,因為她一出世就整天都笑咪咪,連醫院的靚女都這樣講呀!有她在就令到我和老公都感到非常喜悅、開心、溫馨,真的是整天都笑咪咪呀!乖女,Welcome to our family!We love you。」

記者即刻聯系上張美妮送上祝福,受訪時,初為人母嘅張美妮依然好興奮,佢透露自己系開刀剖腹產誕落個女,而且老公都陪入產房親自剪臍帶。

張美妮話:「比開刀日期早咗一日入醫院,老公有剪臍帶,不過當時我一聽到BB聲,即刻感動到喊,都唔得閑望住佢有無喊,但系知道老公真系好感動,剪完臍帶即刻抱BB,真系好開心!」

問到現時系咪已經出院?張美妮表示已經返屋企休息幾日,又指現時自己負責喂奶畀BB,老公就負責幫BB掃風同換片:「同老公一齊學習照顧BB,真正感受到好family嘅感覺!」

張美妮1999年參加第13期無線藝員訓練班入行到而家,張美妮已經為無線電視服務咗足足20年,期間佢以主持節目為主,但同時都接拍電視劇,雖然經常演戲份唔多嘅綠葉配角,但憑出色嘅演技征服咗觀眾。

喺度,再次恭喜張美妮喜獲千金升呢做媽咪,希望BB健健康康成長,希望張美妮一家三口幸福快樂落去,祝福!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *