又有喜!「世紀渣男」結婚兩個月老婆宣佈懷二胎

「世紀渣男」張致恒(Steven),喺今年7月突然宣佈與女粉絲雯雯婚訊,並同時公佈雯雯已經為佢誕下麟兒,當時仔仔「天寶」已經出世三個月滿百日。

轉眼,仔仔「天寶」已經七個月大,日前,雯雯又現身社交平台,曬出老公張致恒攬住仔對望嘅溫馨合照,并留言暗示再有喜!

雯雯留言:「已經幾日食唔到嘢,乜都冇力做唔到,辛苦你湊仔仲要照顧我,辛苦你要將我食咗一兩啖嘅嘢通通食曬,辛苦你要一日煮咁多餐畀我食,辛苦你要遷就發爛渣同無理取鬧,仲有幾個月,大家一齊努力堅持落去!」

就係因為呢段留言,馬上惹來大批網友揣測,認為雯雯暗示自己已經再度大肚,紛紛為佢送上祝福!

有網友就認為,向來大肚喜訊公佈都要過三個月孕期,張致恒夫婦一直未有對外公佈,好有可能因為雯雯佗B仲未夠三個月,所以暫時唔對外宣佈!

另外,記者事後致電張致恒姐姐張詠恩(Jan)求證,張詠恩受訪時好開心:「好犀利!真係好生得!Steven而家都已經有自己嘅家庭,應該由佢同大家交代,總之最緊要係細佬一家人開開心心。」

相信各位都名錶,張詠恩言下之意已經默認細佬張致恒夫婦再有喜,認真恭喜!

發表回覆

你的電郵地址並不會被公開。