受疫情影響，「TVB小生」主演嘅新版《倚天屠龍記》停拍！

日前（1月27日）橫店影視城受疫情影響，發出停工通告，受到停工影響嘅包括由王晶執導、「TVB小生」林峯主演嘅新版《倚天屠龍記》，而且暫時未知道幾時復工。

而大陸多個劇組，包括由楊冪主演嘅《謝謝你醫生》、由王凱主演嘅《大江大河2》、由趙麗穎、由王一博主演嘅《有翡》等等全部宣布暫停拍攝，復工時間通通無了期。

據悉，新版《倚天屠龍記》演員陣容，林峯飾演張無忌、文詠珊飾演趙敏、甄子丹客串演張三豐、古天樂飾演張翠山、徐錦江飾演金毛獅王，其他演員仲有張繼聰、朱晨麗等！

林峯同文詠珊兩位主角舊年啱啱分別結咗婚，宜家電影停拍一段時間，佢兩個就可以好好放假陪另一半。