古巨基曬一家三口溫馨合照,慶祝同太太結婚6週年

古巨基同太太Lorraine喺2014年結婚,尋日係佢哋結婚6週年紀念,但係撞正新型冠狀病毒肺炎疫情再次爆發,佢哋選擇留喺屋企,同仔仔Kuson一家三口簡單慶祝。

古巨基仲留言話:「疫情下嘅結婚6週年,第1次3個人嘅紀念日,第164日冇出過家門。本來計劃24號出關,但估唔到突然間迎來咗新一波疫情,數字甚至比第一波更令人擔心。」

古巨基坦言:「因為屋企中多咗仔仔,仔仔嘅健康比我哋任何嘢都重要,我哋真係唔敢冒任何風險,決定繼續自我隔離屋企,觀望疫情情況。」

講到古巨基,大家應該對佢好熟悉,古巨基無論唱歌定演戲都相當好犀利,早年憑借《情深深雨蒙蒙》成功打入大陸市場,隨后一直喺香港、大陸發展演藝事業,知名度相當高。

入行多年,關於古巨基嘅緋聞基本係零緋聞,唯一關於佢感情八卦就係同佢現任太太Lorraine長達多年嘅愛情長跑。

講到古巨基嘅太太Lorraine,其實佢一直都比較神秘,據悉Lorraine中文名叫陳韻晴,從古巨基出道以嚟就一直以助理嘅身份陪喺古巨基身邊。

正所謂近水樓臺先得月,兩個人成日一齊共事,加埋性格互補,久而久之互相產生情愫,后來也慢慢發展成為咗戀人關係。

早年古巨基一直冇結婚嘅打算,但係有一次Lorraine因為騎單車發生意外,所以喺嗰一刻開始,古巨基先發現佢可能會失去對方,同時讓佢明咗佢對Lorraine愛得有幾深,於是古巨基下定決心將Lorraine娶返屋企!

最后希望古巨基嘅寶貝仔仔健康成長,都祝福佢哋一家三口平安幸福!

Like MisshkNews Facebook!不出门也能知天下事~

發佈回覆

你的電郵地址並不會被公開。