古巨基自曝仔仔係天才BB,因為4個月大已經識得…

尋日適逢一年一度嘅父親節,雖然每日都可以同父親噓寒問暖,但係呢日或者更有意義,圈內亦有唔少藝人首次過父親節,心情亦係萬般感慨。

好似呢日王祖藍同李亞男通過視頻短片嘅方法,喺父親節宣佈再度升呢做父母,一家三口變一家四口,仲有潮爸余文樂亦借住呢日宣布喜得二胎。

而首度過父親節嘅仲有古巨基,提起古巨基應該好多網民對于佢嘅印象仲停留喺《情深深雨蒙蒙》中嘅「渣男」何書桓當中。

不過現實生活中,古巨基卻係「愛妻號」,佢同太太於2014年喺拉斯維加斯結婚,兩人結婚多年終于喺舊年年尾嘅時候喜得麟兒。

直至2020年嘅3月15日,古巨基先對外曬出咗BB嘅相,而家BB已經有半歲大,現年47歲嘅古巨基呢日亦以全新嘅身份過父親節。

古巨基大方表示世界上多咗一個人,呢個人係比自己仲重要,只要佢有乜問題都幫佢解決,睇得出古巨基而家真係有仔萬事足。

古巨基仲自曝仔仔係天才BB,因為BB喺4個月大嘅時候,當自己同佢講I LOVE YOU嘅時候,BB竟然識得講番相同嘅I LOVE YOU畀自己。

唔理點樣,宜家見到古巨基一家三口咁幸福,真係替佢哋開心,祝福你哋永遠幸福快樂喔。

Like MisshkNews Facebook!不出门也能知天下事~

發佈回覆

你的電郵地址並不會被公開。