同屆港姐都係《法證先鋒IV》女主角,邊個更勝一籌

《法證先鋒IV》出街之後,劇情令人有D失望,不過如果唔係「安心偷食」單嘢,我估觀眾更失望,因為原來女主角之一嘅飾演者係黃心穎,而家換成湯洛雯

喺《法證先鋒IV》中湯洛雯飾演一個嘅網臺記者,呢個角色原本由黃心穎擔任,不過喺「安心偷食」單嘢發生之後,TVB高層決定改由湯洛雯頂上,重拍所有戲份。

網友大贊湯洛雯演得好,換角絕對合理,更取笑黃心穎一定演唔出呢種感覺,連劇中男主角黃浩然都大贊湯洛雯係一take湯。湯洛雯同黃心穎係同屆港姐出身,未發生「安心偷食」單嘢前,黃心穎喺TVB地位遠比湯洛雯高,黃心穎更加係備受TVB力捧。

黃心穎當選港姐亞軍冇幾耐,已經喺《東坡家事》擔正做女主角,仲同收視福星歐陽震華有對手戲。

而湯洛雯喺《愛·回家》飾演思思一角,係屬於小配角,佢等咗五年時間先喺《燦爛的外母》有機會擔正。

顯然,黃心穎比湯洛雯更早有機會,呢一點上黃心穎勝出。

湯洛雯喺2017年嘅《星和無線電視大獎 2017》奪得TVB最佳新人殊榮,黃心穎雖然有畀提名過,但從來冇攞過獎。論獎項湯洛雯勝出。

黃心穎一直畀網民以姣精等不雅稱透嚟形容,即使未有「安心偷食」單嘢發生,觀眾對佢都冇太大好感。

而湯洛雯畀網民稱為「靚湯」,極少丑聞、形象討好,佢係網民嘅寵兒,論觀眾緣,湯洛雯勝出。

Like MisshkNews Facebook!不出门也能知天下事~

One Comment on “同屆港姐都係《法證先鋒IV》女主角,邊個更勝一籌”

發表回覆

你的電郵地址並不會被公開。