同馬國明冇機會,TVB視後呼吁網民唔好「太认真」:係我唔啱佢

現年37歲TVB視後唐詩詠,尋日朝早現身沙田為出席探訪長者活動,期間受訪時佢表示之前都有試過去做探訪,有一次更遠赴去外國老人院做探訪,令佢獲益良多。

問到老人家會唔會同佢傾心事?佢就笑言公公婆婆都會叫佢食多啲,太瘦啦。問到會唔會問佢關於感情事?唐詩詠表示冇,不過身為晚輩,佢仲係好愿意聽老人家嘅意見。

唐詩詠繼續講:“例如要選乜男仔,又叫我哋唔好成日喺度嗌交,要包容,最緊要係心地好、孝順。(屋企人有乜意見?)佢哋從來唔敢講,唔知點同我講,爸爸好少出聲,我話畀佢聽,阿哥就話爸爸擔心,但唔敢講出口。

(你自己都唔敢講?)都系,好少講,驚佢哋會擔心我,有時都唔知道點講。(帶個男仔返去就唔使多講?)結婚先帶,費事佢哋開心完又唔開心。“

傾到較早時畀拍到與緋聞男友「教育界王力宏」陳思銘齊齊現身超市買嘢,唐詩詠馬上好尷尬,佢否認同陳思銘嘅戀情,并再三強調與對方一直都係好朋友嘅關係。

唐詩詠話:”其實我已經講咗好多次,嗰張相係喺冬天拍,唔想再講啦,真係只係朋友,當日聚會,無謂多解釋,畀啲時間空間我哋,如果個個喺我身邊出現就係男友,噉我會好大壓力,做我朋友都會好大壓力,連一齊食餐飯都唔敢啦。”

至於較早前因為與緋聞男友馬國明合作《白色強人》人氣急升,兩個人嘅傳聞越傳越似真,問到同馬國明有冇發展機會?

唐詩詠就無奈苦笑話:“哎呀,嗰啲人成日都問我做乜唔約佢去街,大家真係唔好投入得滯喺劇情度!(馬國明仲有冇機會?)可能係我唔啱佢。(因為識得太耐?)因為從來冇諗過呀。”

雖然唐詩詠呢拍緋聞越傳多,但基本都係過眼云煙嘅笑料。無數粉絲同網民都好關心佢感情生活,話曬已經單身一段時間,而且已經37歲。喺度,希望唐詩詠早日遇到如意郎君,希望可以成為幸福新娘早日傳出喜訊!祝福。

發表回覆

你的電郵地址並不會被公開。