向觀眾派福利!TVB力捧港姐打沙排上圍「激蕩」:真系好驚走光

藝人朱晨麗(朱朱)首部擔正的TVB劇集《特技人》今晚首播,佢喺劇中飾演特技人做傅嘉莉的替身。而喺第二集中,朱朱會以泳衣上陣打沙灘排球,上圍跌蕩好搶鏡,向觀眾派福利!朱朱坦言對造場戲極非常期待,因為選港姐后已經好少著泳裝,都擔心觀眾的反應:「部戲講我做替身,著沙灘排球衫拍飲品廣告,系戲中戲,同時,我要做高難度動作,喺彈床跳嚟跳去,拍嗰陣系夏天,好曬,拍完真系周身散曬!」

由於劇組同足沙灘排球比賽的衫,朱朱為咗呢場戲花咗數個月時間鍛煉身形:「我做健身、Yoga同舉啞鈴,希望出嚟線條靚,套衫真系好少布,上下身都唔可以打底,比起選港姐時更錫士,好尷尬。跳嗰陣,真系好驚走光,又要做前空翻,當時又多臨時演員,埋位時冇得遮,只可以頂硬上。」

對于公司實行「限波令」,所有涉及錫士鏡頭都要刪除,所以呢場泳衣造型分分鐘都畀剪,朱朱表示:「暫時未收到通知,都唔知會點,但咁辛苦拍,都希望觀眾可以觀賞到,不過我會尊重公司決定。」

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *