吳若希正式停工專心養胎,陳山聰太太曬大肚孕婦照

「星夢一姐」吳若希(Jinny)較早時宣佈懷有第二胎,為老公何兆鴻(Alex)成功追仔,3歲囡囡Giselle升呢做家姐,不過佢話呢胎佗得好辛苦,成個人特別易攰。

日前,吳若希出席唱片宣傳活動嘅時候,表示完成呢個月尾所有宣傳工作之後,佢即申請放產假,暫時唔會拍劇同主持《姊妹淘》。

尋晚,吳若希喺社交平臺曬出佢身處《姊妹淘》錄影廠嘅相,并仲留言話「最好一日喺呢個姊妹淘廠景拍攝」,正式宣佈暫別《姊妹淘》,專心喺屋企養胎。

另一邊,日前「TVB小生」陳山聰喺情人節宣佈太太何麗萍(Apple)有喜,之後透露太太預產期係暑假。

尋晚,陳山聰太太喺社交平臺分享大肚寫真,見到陳山聰一臉幸福捧住太太嘅巨肚,兩公婆認真開心,隔住屏幕都覺得好幸福。

陳山聰太太何麗萍留言話:「本來一直都無諗住拍大肚寫真,到最後決定都係拍落留下一個美好回憶,估唔到由結婚到宜家咁快就生BB,非常感恩!l😘😘😘」

Like MisshkNews Facebook!不出门也能知天下事~

發佈回覆

你的電郵地址並不會被公開。