喺TVB打拼二十年依然系茄哩啡 ,五萬投資火鍋店而家已經擁有7間分店

喺《愛回家之開心速遞》中,飾演行政部副經理Peter嘅杜大偉,雖然戲份唔算多,但將辦公室囂囂張張嘅管理層角色,演繹得入型入格,得到咗好多網民嘅青睞。

現年42歲杜大偉,除咗喺《愛回家》中飾演行政部副經理Peter一角,較早時亦都喺《褔爾摩師奶》中飾演警司白羅拔。

杜大偉雖然演藝事業上,佢只能夠稱得上不過不失,但另一方面,佢喺經營飲食生意上,就相當得意。

喺幾年前,杜大偉以五萬蚊開始投資自助火鍋生意,靠住圈中人脈同自身名氣作生招牌,最后滾出七間分店。

日前挨晚時份,媒體就發現杜大偉喺電視城收工之後,就急急腳趕往位于佐敦嘅倫哥自助火鍋分店,至接近晚飯時段,佢又親自捧出一箱箱嘅飲料,向冰箱補給。

杜大偉喺店中行嚟行去未停過,等有客埋位之後,佢亦準備好隨時候命,只要見到有客人遞手,佢都會補位身兼侍應。

驟眼睇,杜大偉同一般食肆經理或者店長無異,但事實,佢正系呢間自助火鍋店嘅其中一位老細。

據悉,杜大偉謙稱自己不過系一個細股東。大股東系表哥、倫哥。上年又有一個內地股東注資,希望打入內地市場。

發表回覆

你的電郵地址並不會被公開。 必要欄位標記為 *