《她她她的少女时代》正在熱播，其中飾演第三者嘅梁芷佩，雖然佢只係第三次拍劇，但演出相當出色。梁芷佩主要係旅游節目主持，其實唔少旅游節目主持人，轉入劇組之後都相當成功，其中一位更加成為TVB視後。
1、譚凱琪
譚凱琪今年37歲，本身係歌手出道，喺2007年加入有線電視。喺有線期間主持過唔少旅游節目，包括《歐洲四部曲：紅白綠黑》、《蘇格蘭古堡旅游事件簿》同《四個轆.新西蘭周圍Look》等等。
2013年轉投無線，再冇做旅游節目，而係轉入劇組，正式開展拍劇生涯，拍咗幾年劇，喺上年《大帥哥》中飾演葉天嬌（舞川奈依）一角大獲贊賞，人氣急升。
2、洪永城
洪永城于2005年加入有線電視，第一個節目就係旅游節目《活得很滋味》，當中更有黃翠如、譚凱琪等人。2009年轉投Now寬帶電視，依然以旅游節目《一個地球》為主，2012年再轉投無線。
加無線后，拍《走過烽火大地》而爆紅，之後更與黃翠如再度合作，唔單止拍攝拍旅游節目，佢更開始加入劇組，而且第一部TVB劇集已經係男二嘅《單戀雙城》，近年升為到男一行列。
3、黃翠如
黃翠如比洪永城更早加入有線電視，不過佢先係做主播工作，之後同蘇民峰拍攝旅游節目《40日峰狂嘆世界》，《活得很滋味》，《地平在線這個世界那些人》等。
之後轉投Now寬帶電視，開始與洪永城正式拍擋，畀喻為旅游界嘅屏幕情侶。2012年加入無線，與洪永城一齊主持《走過浮華大地》爆紅，同時亦開始加入劇組。雖然演技一直畀批評，不過黃翠如嘅劇集愈拍愈多，到而家基本係全力拍劇。
4、李佳芯
李佳芯喺2008年加入有線電視，曾經主持過唔少旅游節目，包括《阿拉伯.千年一嘆》、《四個轆.德國周圍Look》同《去把！臺灣住啰啰》等。
李佳芯原名叫李嘉馨，佢喺2012年以李佳芯嘅名轉投無線，喺一年主持生涯後，正式加入劇組。喺2016年嘅劇集《巨輪II》中，與吳岱融演出一場「臭雞」戲份而爆紅。
近年上位做女主角嘅佢，喺上年以《BB來了》一劇奪得TVB視後，加埋係觀眾嘅寵兒，大好前途！
Like MisshkNews Facebook！不出门也能知天下事～
