賭王何鴻燊四房千金何超盈，早喺3月份畀爆出與哈佛學霸Thomas訂婚嘅消息，之後更畀指出何超盈其實早已經身懷六甲佗有B女，原來舊年9月份何超盈已經與男友秘密訂婚。
當時，何超盈媽咪梁安琪面對媒體，直接大方承認愛女確實未婚先孕，并表示由於今年系盲年嘅關系，所以個女喺出年先會喺葡萄牙舉行古堡主題婚禮。
不過，雖然婚禮喺外國搞，但何鴻燊家族仲系傳統中國人，嫁女嘅傳統習俗梗要跟到足，據傳媒報道，今日適逢端午節，原來何超盈亦揀喺今日進行過大禮儀式。 
相中可見，何超盈明顯巨肚突出，佢著住中式禮服顯得臃腫，同媽咪一齊合照顯得好幸福，而且過大禮嘅「禮」認真夠睇頭兼重手。 
除咗堆積如山嘅名貴鮑參翅肚禮盒之外，仲有八對分量十足嘅龍鳳鈪，另外仲有幾對金頸鏈，以及唔少鉆石飾物。噉樣嘅「過大禮」場面，再加上預早安排有舞獅儀式，現場好熱鬧，真系好似公主出嫁嘅大陣仗，唔少網民都表示好誇張！ 
據知，現場除咗何超盈媽咪梁安琪出席之外，仲有妹妹何超欣同細佬何猷君等人都有份出席，見證家姐即將成為人妻嘅幸福時刻。
另外，何來超盈仲請咗好閨蜜莊思敏三姐妹齊齊出席，分享喜悅。
喺度，再次恭喜何超盈升呢做准人妻，希望B女平安順利出世，祝福祝福！
Like MisshkNews Facebook！不出门也能知天下事～
