多謝古天樂茅躉華力撐,惡人李兆基手術成功,繼續寸爆:幾支槍打我都未驚!

現年69歲的李兆基,曾是慈雲山十三太保古惑仔,跟住大佬陳慎芝,改邪歸正後,加入電影圈,演盡數個家喻戶曉的惡人角色。


去年11月李兆基接受訪問,親口證實罹患肝癌,曾經表示會放棄治療,最終他在親友鼓勵下,還是決定做手術,並於1月9號完成手術,現已出院。

李兆基豁達表示:「你唔做手術,死都系死喺醫院;你做手術,都系死喺醫院,始終都系死喺呢度,就做喇。」問及術後感受,李兆基不忘吹水本色:「我驚咩?以前我俾幾支槍打,我都未驚,我驚咩?」 多年好友陳慎芝代李兆基感謝各界人士的關心,表示他現時狀態良好:「佢8號入醫院,9號做手術,切左肝臟腫瘤,醫生預備他要住五日深切治療部,但阿基只住左一日就轉去普通房。」「阿基仍然頭腦清晰,我諗醫生真的完成得好好,好感謝醫護人員!」

陳慎芝最後更感謝一眾慈雲山街坊和藝人古天樂,「阿基今次康復都好理想,最開心系唔駛化療,除左多謝慈雲山街坊同朋友,特別系古天樂先生同佢助手,一直聯絡、關心阿基情況,我好感謝佢。」

Like MisshkNews Facebook!不出门也能知天下事~

發佈回覆

你的電郵地址並不會被公開。