前「TVB小生」魏駿傑同大陸嫩妻張利華結婚12年，自從2015年以嚟屢傳婚變，直至今年頭張利華畀發現同外籍Banker拍拖，佢同魏駿杰早有裂痕嘅婚姻終于玩完。
張利華日前剖白講到婚姻破裂，佢同魏駿杰都要負責任，張利華暗示同魏駿杰已經有5、6年冇性-生活。換句說話講，即係喺張利華26、7就已經「齋戒」。
但張利華亦認為自己做錯咗，唔應該未離婚就開始新一段關係，張利華同外籍Banker關係曝光之後，馬上就分開咗。
張利華仲話其實喺2015年佢同單車手鄧宏業傳出緋聞之前，夫妻關係已經接近冰點。張利華坦承自己做得最錯嘅係拖延離婚，佢同魏駿杰夫婦關係一早名存實亡。
不過張利華就因為懼怕改變同唔舍得囡囡，亦想畀佢一個完整家庭，所以先維繫呢段千瘡百孔嘅婚姻：「呢幾年我同佢都痛苦，小朋友係當中一個橋樑，聯繫住我哋。」
張利華指去到後期佢同魏駿杰甚至唔再嘈，開始逃避，佢會去做運動抒發壓力，魏駿杰就將全副心機放喺囡囡身上，兩個人溝通都只係同個女有關，過得一日到一日。
夫妻關係淡薄到冇性-生活，張利華指最初有諗過係咪自己做得唔好，但魏駿杰似乎都唔係太愿意溝通，最後講咗幾次之後無下文，就冇再提起。
但張利華表示生活上魏駿杰令佢好豐足，佢好感激魏駿杰十幾年嚟都照顧得佢好好。雖然離婚，但魏駿杰都畀豐厚嘅贍養費張利華。
離婚令到佢哋「重獲自由」，52歲魏駿杰斬釘截鐵「終身不娶」，張利華就唔排除會再婚：「希望有自己事業，有自己嘅價值，同埋有人錫，有一個幸福家庭。」
Like MisshkNews Facebook！不出门也能知天下事～
