“天堂哥”舊愛曾系港姐出身 談及感情:好多朋友都擔心我

岑杏賢,香港無線電視經理人合約女藝員,擁有碩士學位,于2012年度香港小姐競選奪得最上鏡小姐、最佳首飾演繹大獎同時尚目光獎。佢自十歲起負笈海外。早年就讀位于英國嘅西敏公學,之后于倫敦嘅布魯內爾大學完成心理學學士學位。現時系職道生涯規劃輔導協會嘅心理輔導師。

藝人岑杏賢(Jennifer)、黃瑋琦、翟威廉、許家杰、林師杰等出席明珠臺美劇《直覺追兇》全首播記者會,即場玩測試味覺、嗅覺、觸覺、視覺。

講到有好多同屆佳麗都有男友或者結咗婚,單身嘅佢笑言:「我嘅感情嘢都系噉,而家好開心、充實過自己嘅生活。(有冇追求者?)我對自己有信心,反而好多朋友都擔心我,話要介紹男生畀我識,但全部都冇下文。有啲朋友會send張相畀我睇,但我唔可以齋睇相,要相處過先得,所以感情事都系順其自然,隨緣啦。」

講到呢屆港姐,佢表示有留意:「覺得個個都好靚,琴日都有睇二十強系邊個。(你看好邊個?)個個都好平均,不過我只系睇相,冇接觸過真人。」參選2012年度港姐嘅,佢又笑言:「原來我參選都已經系6年前,而家已經系師姐。」

另外,佢表示有份主持嘅網上直播節目《心理急救室》啱啱播放完,擁有心理學資格嘅佢希望繼續向呢方面發展:「等多啲人再識我,例如開設網上服務,但只系初步意籌備緊。(平時有冇好多網友透露inbox問你解決疑難?)有呀,總共收到大約200封,都系關於感情事、屋企、個人、升學、工作等問題。」佢亦謂會兼顧幕前同心理工作。

Like MisshkNews Facebook!不出门也能知天下事~

發佈回覆

你的電郵地址並不會被公開。