奉旨拍拖!星二代與男友上真人騷節目,直言超級甜蜜

呢排,TVB小花姜麗文現身電臺接受訪問,期間佢透露最近有兩個喜訊,第一系自己有份參演嘅TVB新劇《廉政行動2019》準備開播,與觀眾見面!

第二,系佢同阿爸秦沛合作嘅內地真人騷節目已播到第二集,節目中佢與圈外男友Pakho奉旨拍拖,好sweet!

提到男友,姜麗文馬上一面甜笑,佢笑言:「節目就拍我同男友拍拖,喺成都拍攝,我哋好sweet嘅,男友系圈外人,平日佢唔中意畀人拍,原本唔會做呢個節目,但呢個系好好嘅機會,畀人睇到真正嘅我,所以佢肯出鏡系好偉大。(最后點說服男友?)拍之前承諾唔好影響大家嘅關系。」

佢又自爆,喺真人騷節目中不乏同男友咀咀嘅畫面,認真甜蜜!問到有無試過與男友嗌交?佢就直言二人拍拖兩年期間,從未試過嗌交,事關雙方都好注重溝通,次次發現問題都會直接及時講得出口,以免積累矛盾影響感情。

1986年生嘅姜麗文可以講系身兼多職,既系歌手又演員,同時仲系主持人、作曲人同填詞人,出世喺藝術世家嘅佢,老竇系秦沛,阿叔系姜大偉同爾冬升。多才多藝嘅佢直到2017年嗰陣就簽約TVB,成為旗下藝人。

喺之前,姜麗文都參與演出過多部嘅影視作品,比如《非常平等任務》、《童話戀曲201314》、《第二人生》、《三面形醫》、《新宿事件》、《紀念號》、《我要發達》等。

而同阿哥姜文杰組成Benji andLesley組合嘅佢,更加系橫掃多個頒獎典禮嘅多個組合獎,推出嘅單曲好受歡迎,比如《show time》、《if》、《forever》、《wingman》、《寧愿得不到你》等。

據悉,姜麗文喺跟住落嚟嘅TVB新劇《廉政行動2019》同《街坊財爺》中均有份演出,唔知佢又會畀我哋帶嚟點精彩噶演出呢?大家不妨一齊拭目以待!

Like MisshkNews Facebook!不出门也能知天下事~

發佈回覆

你的電郵地址並不會被公開。