好事近？TVB小生狂贊呂慧儀係絕世女友

前港姐呂慧儀與張景淳合作TVB處境劇《愛回家之開心速遞》畀傳戲假情真，較早前男方更被拍到喺呂慧儀寓所過夜，事後女方否認戀情，表示大家只係朋友。

張景淳日前喺《愛回家之開心速遞》里面疑似畀同性追求，搞到呂慧儀勁擔心。

呢日張景淳喺社交平臺曬出幾張合照，當中更有與呂慧儀搭膊嘅親密照，毫不避忌，佢仲留言話：噉樣嘅女朋友絕種喇，好好珍惜。

其實呢張係劇照，但唔少網友投入劇情，叮囑佢哋珍惜對方！

唔理點樣，宜家見到呂慧儀同張景淳咁老友，真係替佢哋開心，男未婚女已離，一切皆有可能。