娛樂圈姊妹花,索到嗌阿媽!

基因呢樣嘢真系可以好強大,成日話有其母必有其女,其實有其姊都必有其妹!香港同臺灣娛樂圈就出現多對靚靚姊妹花,佢哋嘅外貌雖然相似,但又有唔同嘅發展,可以話系同中有異!

名模周汶錡(Kathy)同妹妹周勵淇(Niki)系圈中著名嘅姊妹花,Kathy由90年代開始已經擔任模特兒,到依家都非常活躍,經常喺品牌活動上見到佢,Kathy亦擁有一個幸福家庭,喺2012年下嫁法籍老公Julien,並育有兩名可愛嘅囝囝。

周汶錡、周勵淇

Niki雖然同家姐一樣都系模特兒出身,但其後主力喺影視方面發展,多年嚟拍過唔少深入民心嘅電影同電視劇。近年Niki亦嘗試返內地發展,同樣得到唔錯嘅成績,直至近期簽約英皇娛樂公司,仲由“周麗淇”改名為“周勵淇”,再次重新出發。

黃心穎、黃心美

藝人黃心穎參選2012年香港小姐競選勇奪亞軍而入行,憑住燦爛笑容入屋,近年逐漸攀上無線花旦之比特,除咗事業一帆風順,心穎仲俘虜咗娛圈筍盤馬國明,可以話系愛情事業兩得意。

黃心穎

其實黃家總共有四朵金花,仲朵朵都咁高質,大家姐黃心美同心穎一樣,都選擇藝人呢條路,心美除咗樣靚,口齒仲好伶俐,佢依家系ViuTV藝人,主力主持工作,發展絕對唔比妹妹遜色。

楊怡

藝人楊怡系無線“2010年代五大當家花旦”之一,但佢喺2016年4月約滿離開無線,同年佢仲同拍拖5年嘅羅仲謙結婚,兩人結婚至今依舊恩愛,仲講到明想生B。而楊怡離巢之後好快就回歸無線拍攝劇集《再創世紀》,外形同演技更顯成熟。

楊卓娜

楊卓娜雖然演藝事業冇妹妹發展得咁好,不過家庭生活美滿,佢早年下嫁“廣告燈箱大王”楊志翹,仲成為兩個囡囡嘅後母,但佢一直視如己出,就算自己囡囡出世後,依然冇偏心,系圈中嘅好媽媽!

餘香凝

“影壇新貴”餘香凝同妹妹餘潔瀅雖然唔系孖生,但個樣十足餅印!兩姊妹同樣模特兒出身,餘香凝曾經同藝人陳家樂拍拖,但喺今年6月佢被爆出疑似一腳踏兩船,兩人最終分手,雖然餘香凝形象一度受損,但冇阻佢喺影壇嘅發展。

餘潔瀅

餘潔瀅出道冇耐就有機會參與《美女廚房》,成為美女學徒之一,加上佢笑容甜美,令人留下深刻印象。

張寶兒、張寶欣

藝人張寶兒喺2016年獲妹妹張寶欣提名參選《2016年度香港小姐競選》,並獲得“友誼小姐”,到咗2017年,佢就掉番轉提名妹妹參選《2017年度香港小姐競選》,張寶欣最終獲得“big big channel最受歡迎香港小姐”,兩姊妹入行方法極為相似。張寶兒加入無線之後,好快成為《學是學非》主持之一,仲同小生袁偉豪上年因為合作拍攝節目而擦出愛火花。

臺灣女星徐熙媛(大S)同徐熙娣(小S)感情十分深厚,兩姊妹於1994年以組合“SOS”出道,仲憑一首《十分鐘的戀愛》一炮而紅。大S之後轉型做演員,2001年憑經典偶像劇《流星花園》“杉菜”一角紅遍中港臺,成為佢演藝生涯嘅代表作!

而作風大膽嘅小S就喺主持界發光發亮,佢同臺灣才子蔡康永主持嘅綜藝節目《康熙來了》深入民心,直至2016年兩人請辭節目,呢個主持咗12年嘅神話先至結束,令觀眾非常不舍。

任家萱、任容萱

臺灣天團S.H.E成員Selina(任家萱)出道17年,無論系唱歌、主持定拍劇,佢都有亮眼成績,人氣一直高企!2010年10月Selina不幸喺上海拍劇時發生爆破意外事件,被燒傷嘅佢要暫停演藝事業,但憑住堅強意志,複出後繼續喺娛樂圈發光發亮。

任容萱16歲嗰年喺街上被元衛覺醒《夏天的風》MV導演嘅老婆發掘,邀請佢擔任MV女主角,後來大家先知佢原來系Selina妹妹,出道之後任容萱主力拍劇。

黃喬歆、黃暐婷

臺灣女星黃喬歆(瑤瑤)同家姐黃暐婷(Apple)同樣都系綜藝節目《我愛黑澀會》美眉之一,瑤瑤喺節目中因為成日喊同講嘢走音而令人留下印象,隨住年紀漸長,瑤瑤亦經常騷身材,擁有F cup上圍嘅佢非常“胸猛”。

Apple雖然比妹妹遲加入《我》,但因表現亮眼,被選中為第一批正式出道嘅九比特黑Girl,佢亦有“古典美眉”之稱,依家主要擔任綜藝節目嘉賓,俗稱“通告藝人”。

本文轉載於東網
本站負責轉載以及潤色本文
如有侵權,請聯繫刪除

 

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *