宣佈有喜!前「TVB小花」結婚三個月造人成功

前「TVB小花」梁靖琪(Toby),今年6月份宣佈二婚翻頭嫁圈外男友Jonathan,當時喺婚禮上,梁靖琪與老公曾經表示好鐘意小朋友,希望結婚之後早日造人成功,升呢做爸爸媽媽。

之后喺8月尾有消息傳出,指梁靖琪與老公Jonathan其實係奉子成婚,二人早喺結婚時就已經有喜,梁靖琪懷孕已經4個月。不過記者曾經嘗試向梁靖琪求證,受訪時佢模棱兩可笑指:「有好消息一定會公布嘅!」

尋日,梁靖琪突然現身社交平臺,佢終于宣佈懷孕喜訊,承認準備做媽咪,梁靖琪仲曬咗一張BB衫嘅相,上面有個牌子寫住「Baby Sze」,睇到就覺得好溫馨。

另外梁靖琪嘅老竇係前TVB高層梁家樹,而佢曾經係TVB旗下嘅演員,曾經參演過多部人氣劇集,包括《結分謊情式》、《沖上云霄II》、《My盛Lady》、《點金勝手》以及超人氣劇集《使徒行者》等,2016年梁靖琪宣布約滿離開TVB外闖。

而梁靖琪喺TVB期間,人緣好好,佢同好閨蜜佘詩曼、湯盈盈、文頌嫻、姚樂怡、周家蔚同鐘麗淇等人,組成「TVB七魔女」,多年嚟就算各有各生活同發展,但七位閨蜜總會喺百忙中抽空相聚,感情好好。

喺度,再次恭喜梁靖琪與老公造人成功,成為準爸爸媽媽,祝福寶寶順利出世,恭喜恭喜!

發表回覆

你的電郵地址並不會被公開。