日前，前「TVB花旦」鐘嘉欣就返香港出席新歌嘅活動，而女神尋晚先啱啱落飛機，之後又飛去新加坡做嘢，由于要喺短時間內飛來飛去，所以此次返香港冇帶仔女，離開仔女工作，鐘嘉欣表示好掛住佢哋。
佢話：“我同個女講，媽咪返香港做嘢，佢就話會用爸爸電話打畀我，佢就快三歲，覺得佢開始懂事，會畀我出去做嘢，覺得好感動。佢都會幫手照顧細佬，有幫手搽面，佢係一個好有紀律嘅小朋友，呢方面好似爸爸。”
不過講到個女，鐘嘉欣就話：佢而家會偷化妝品嚟用，佢話：“之前一齊拍MV佢見到我化妝set頭，又話要人幫佢化妝set頭，又會照鏡話I’m pretty。”
見到個女有樣學樣好可愛，鐘嘉欣就話囡囡都有跟佢學唱歌，佢話：”佢會攞住支咪，扮我唱歌手勢，仲有高音又會皺眉。（如果將來進入娛樂圈得唔得？）冇乜所謂，如果佢有呢個天分同有興趣，唔畀佢進入娛樂圈反而會反叛。”
問到會唔會再生B？鍾嘉欣說：「應該不會了！其實生B是開心也值得，但真的好辛苦，甚至有崩潰和很累的時刻，希望湊好他們兩個已經好好了！除非有意外。」
1984年出世嘅鐘嘉欣，其實入行以來畀我哋帶嚟唔少精彩嘅作品，比如《法證先鋒》、《金石良緣》、《溏心風暴》、《珠光寶氣》、《點解阿sir系阿sir》、《公主嫁到》、《耀舞長安》、《飛虎2》、《人生馬戲團》等。
唔理點樣，希望鐘嘉欣可以早日復出，繼續畀我哋帶嚟多啲更精彩嘅作品，期待期待！
Like MisshkNews Facebook！不出门也能知天下事～
