希望可以捱到七月份!29歲女星與癌症抵抗七年:情況不容樂觀

現年29歲嘅香港歌唱組合「小龍鳳」成員李明蔚,喺2012年不幸畀確診患上罕見嘅腺樣囊性癌,據知呢個系現時世界上已經發現嘅惡性度最高嘅癌症之一。

為咗抵抗病魔,李明蔚踏上咗長達7年嘅抗癌之路,而家已經面癱兼失聲嘅佢,最近更被指病情越嚟越嚴重,較早時佢出席公開活動時亦明顯見到面癱同失聲情況嚴重,喺活動上全程由他人代替發話,精神狀態亦似乎較往日差。

喺3月份嘅時候,李明蔚曾經公開表示,自己嘅病情嚴重到隨時會死亡,醫生亦坦言對病情唔樂觀,事關現時佢已經開始出現全身多器官衰竭嘅情況,李明蔚當時表示,只系希望可以捱到七月份,希望參加自己嘅新書發布會。

轉眼時間已經嚟到5月尾,李明蔚依然健在,而且心態都越嚟越好,呢排佢趁住籌備新書嘅空檔期間,抽空同父母一齊飛去臺灣旅行放松一下。

佢透露今次到臺灣墾丁四日三夜:「同Daddy有十幾年冇一齊坐飛機去旅行,所以呢次可以有機會一齊去,大家喺沙灘睇日落,又一齊行街,覺得好舒服,好難得有噉嘅時光,自己一定會永遠記得,呢次都拍咗唔少相留念。」

另外,雖然李明蔚已經病入膏肓,但佢依然系渴求生存,佢又透露此行飛去臺灣,除咗旅行放松之外,其實仲有另一個重要目的。

李明蔚話:「我朋友介紹咗當地一位朋友畀我識,因為臺灣人對癌症都有了解,所以就埋去同佢傾下,睇下有咩食療可以有助改善病情同抗癌,可以繼續同病魔對抗。」

喺度,希望李明蔚病情可以有好轉,明白現實好殘酷,但仍然希望幸運之神能夠眷顧佢,加油!

發表回覆

你的電郵地址並不會被公開。 必要欄位標記為 *