幸福港姐人妻再度懷孕 結婚兩周年甜蜜放閃:老公認為夠靚嘞。

日前,張名雅就喺社交網上載咗同老公兩人“撐抬腳”的靚相,而相中就見到張名雅同老公一齊對海景嘆大餐,而索爆人妻張名雅重有一大扎紅玫瑰收,原來系佢哋的結婚兩周年紀念日,單單睇相就已經覺得幸福滿瀉!

不過,較早時張名雅就已經宣布再次大肚,當時出席TVB劇集《BB來了》的宣傳活動中,佢就表示自己已經大咗肚四個幾月,不過身材得天獨厚的佢就依舊手腳纖細,全然睇唔出已經懷孕多月。

佢喺活動中就表示系意外大肚,佢話:「其實我都好鐘意小朋友,而家仔仔一歲三個月,都有諗過生多個,但冇打算咁快,知道有BB后好開心,系天賜的禮物,跟住12月就生,同個仔年紀相近。”

所以喺結婚兩周年好日子,張名雅仲起社交網上留言大贊老公,而家大肚的佢唔方便著高踭鞋呀,於是波鞋上陣。但佢就甜蜜表示話唔使再著高踭鞋呀,因為老公話佢已經夠靚嘅啦!而今年的紀念日重有仔仔陪伴一齊過,對于張名雅嚟講更加系一生中最難忘的經歷之一!

其實講到張名雅,1987年生的佢曾就讀于加拿大英屬哥倫比亞大學,主修經濟商學,佢重喺溫哥華的期間,參加咗溫哥華華裔小姐亞軍與及國際中華小姐季軍的名銜。直到2012年返香港參加咗香港小姐的競選,最后都贏得咗港姐冠軍、國際親善小姐與及現場最受歡迎佳麗獎,成為咗第四十屆香港小姐競選冠軍。

選美結束之后,張名雅都同大多數藝人一樣進入咗TVB,開始咗拍戲生涯。譬如《再戰明天》、《以和為貴》、《潮拜武當》、《鬼同你OT》、《一屋老友記》、《超能老豆》、《城寨英雄》、《與諜同謀》、《誇世代》、《果欄中的江湖大嫂》、《BB來了》等。

而佢喺《以和為貴》中飾演的小三蘇花兒,同男女主角馬德鐘同徐子珊有多場的對手戲,喊戲,因而畀網友大贊其演技收放自如吖,仲有喺《鬼同你OT》中都大獲好評,該劇集收視成績更加系相當唔錯,做咗2015最高收視的劇集。

而家距離12月份預產期仲有三個幾月,唔知再次成為人母的張名雅會否同樣緊張呢?唔理點,都系希望佢可以繼續加油,繼續畀我哋帶嚟多啲更精彩的作品,祝福!

Like MisshkNews Facebook!不出门也能知天下事~

發佈回覆

你的電郵地址並不會被公開。