張敬軒與應屆落選港姐交換頭像 網民:再唔澄清就癲啦

中日混血落選港姐工藤佑采,日前喺香港小姐決賽中畀淘汰后,需要繼續出場伴舞,工藤佑采全程黑面hea跳,態度散漫,成為一眾網民熱議話題,有人話工藤佑采欠缺體育精神;亦有網民撐佢無視大眾目光,我行我素好有性格。

與此同時,歌手張敬軒(軒仔)竟然將自己的社交賬戶頭像轉咗工藤佑采hea跳的相,而工藤佑采見狀,又將自己的頭像轉為軒仔的相,并說:「呢期潮流興玩交換頭像」。

連隨引來大群網民無限遐想,有網民留言話:「皇上(張敬軒)春風滿面#喜事近#聽講男生會將佢心愛女仔的相擺喺第一位#連皇上都要退位#皇太后出場#可以醫到皇上的人真系非一般。」為呢碟花生加鹽加醋,亦有網民留言說:「你再唔出嚟澄清我就快癲啦!」其實唔使太認真,可能軒仔只系太悶想開個玩笑咋!

 

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *