恭喜!「TVB小花」承認與圈外男友低調結婚

「TVB小花」楊秀惠今日畀爆料秘嫁圈外男友,事後佢回復傳媒時承認婚訊,并以短信回復表示:”多謝大家祝福!我哋已經注冊,我同我先生其實喺今年初已經喺外地結咗婚,但因為我先生係圈外人,所以想低調處理!”

消息指楊秀惠老公叫葉世楊,今年38歲,兩個人住喺渣甸山畢拉山道,楊秀惠仲喺社交平臺曬出與老公一齊戴婚戒嘅相,但只見手唔見人。

金年35歲嘅楊秀惠,原名楊㛢僡,喺馬來西亞出世,佢喺2003年參加當地電視臺舉辦嘅《馬來西亞華裔小姐競選》奪冠,第二年嚟香港參加華姐,可惜止步五強。

之後楊秀惠加入TVB,先後參演過《野蠻奶奶大戰戈師奶》、《法證先鋒》同《仁心解碼》等多套TVB劇集。

直至2015年,楊秀惠憑《鬼同你OT》中嘅羅麗花(蜘蛛精)一角人氣急升,而喺舊年《大帥哥》楊秀惠再憑艾妞一角備受觀眾賞識。

楊秀惠近年轉投商界,開過甜品店,又發展美容事業,佢更做生招牌,經常喺社交平臺推銷。

唔理點樣,恭喜楊秀慧嫁得如意郎君,最後梗係希望楊秀惠可以繼續畀我哋帶嚟多啲更精彩噶演出,期待佢嘅表演!

One Comment on “恭喜!「TVB小花」承認與圈外男友低調結婚”

發表回覆

你的電郵地址並不會被公開。