恭喜!前港姐順利產女母女平安:寶寶臍帶箍頸三圈有驚無險

最近,娛樂圈又有喜事,前港姐張嘉兒前兩日,先喺社交平臺笑BB過咗預產期仍然未肯出世,不過今日終于傳嚟喜訊,小公主已經順利出世,有七磅幾重,兼夾已經改咗英文名為Hannah,母女平安,真系恭喜恭喜!

經歷過鬼門關,張嘉兒一早請咗攝影師為佢哋拍靚相留念,見到BB雖然出世冇幾耐,但系眼仔碌碌好精靈,唔知長大之後會唔會好似媽咪一樣參選港姐呢?

事後,張嘉兒接受訪問時就表示:「今次我都系順產,但今次生痛過上次好多,呢胎雖然落產房後三個鐘頭就生咗,但真系好痛,而且生時仲有啲驚險事發生!原來BB出嚟嘅時候,醫生話條臍帶箍咗佢條頸三圈,好似戴咗三條頸巾噉樣,好在有驚無險,好快發現亦好快解決咗,最終都順產出世。」

至於有無畀嚇到,張嘉兒就表示:「我當時只系專注大力生,加埋都好痛,醫生都系事後BB出咗嚟,冇咩事先同我講,醫生好專業,可能佢覺得好有信心處理到,所以費事影響我,但聽返我就好驚羅!」

雖然今胎已經唔系第一胎,不過再為人母嘅張嘉兒,知道呢個消息後的確心有余悸,傾到呢個情況,張嘉兒就透露醫生都表示呢種情況大概一年只遇到一次,實在唔常見。

佢話:「不過今次同埋上一胎一樣,都有痛到嘔,我又無用無痛分娩,所以超級痛!但好攪笑,呢胎我堅持喺屋企,等耐啲先入醫院,點知道去到醫院原來已經開到3度,老公都有入產房剪臍帶!」

1983年出世嘅張嘉兒,同大多數藝人一樣,都系通過選美入行,喺加拿大溫哥華長大嘅佢,曾經參加過2005年溫哥華華裔小姐競選,獲得「神采飛揚獎」,佢喺2007年再戰香港小姐,獲得冠軍嘅佢即刻進入到TVB,開始發展其演藝事業。

期間,佢都曾經參與演出過多部電視劇集,比如《女王辦公室》、《女人最痛》、《戀愛季節》、《熟男有惑》、《神槍狙擊》、《我們的天空》、《愛回家》、《樓奴》、《實習天使》、《警犬巴打》等。

而張嘉兒喺跟住落嚟嘅新劇《婚姻合伙人》中同樣有份演出,大家記得千祈唔好錯過!

發表回覆

你的電郵地址並不會被公開。 必要欄位標記為 *