想憑《BB來了2》爭視帝,TVB小生笑言:每次都冇人理我

日前,TVB小生黎諾懿就到商臺宣傳旅游節目《懿想不到》,而今次佢幾乎全程參與構思,原來佢一開始計劃做一個懷舊類型嘅節目,因為發現唔少傳統美食,因為鋪租同人工而清盤失傳。

而黎諾懿一開始諗住自己去拜師學藝,後來經過商量探討之後,最終公司提議加入嘉賓,令到成個畫面更為豐富,主持同嘉賓之間嘅碰撞,都能夠產生不同嘅火花。

黎諾懿都證實《BB來了2》即將喺10月、搵返原班人馬開拍續集,連BB“允豬”都系用返同一個演員:“呢集系講兩年之後允豬大咗,開始讀書,於是就產生問題。”

問到呢次拍續集,想唔想挑戰視帝嘅寶座,黎諾懿就笑言:「其實我每套都挑戰,但系每次都無人理我。好似《懿想不到》噉樣,我都系挑戰綜藝節目,想得到最佳節目主持。凡事要定下目標去挑戰,至於系咪成功就系另一事。」

1980年出世嘅黎諾懿,加入TVB已經有17年,佢參與拍攝咗唔少嘅精彩劇集。據悉喺跟住落嚟嘅新劇《街坊財爺》、《C9特工》中黎諾懿同樣有份演出,期待佢出色表演,加油!

發表回覆

你的電郵地址並不會被公開。 必要欄位標記為 *