憑《愛回家》人氣急升!金城安畀封「11廠嘉洛哥」

TVB處境劇《愛回家之開心速遞》憑借貼地嘅劇情,同演員們落力演出而成功入屋,更連續多周成為收視冠軍,連帶劇中嘅一眾藝人都因此人氣急升,備受關注。

日前,「長腳蟹」呂慧儀同「金城安」周嘉洛出席咗新店嘅剪彩活動,兩位人氣藝人到場,更加吸引咗唔少粉絲到場,甚至仲將現場圍到「水泄不通」,塞滿曬成個通道。

喺接受訪問嘅時候,呂慧儀仲大封周嘉洛為「11廠嘉洛哥」,對此,周嘉洛就順勢為對方戴高帽話:「你犀利D,你系TVB蟹姐。」

其實隨著人氣急升,周嘉洛都得到咗唔少活動商青睞,當然收入多咗唔少,不過似乎因為一直未有請《愛回家》嘅劇組食飯,令到劉丹「詐型」。

對此,周嘉洛就笑說:「雖然收入多咗,但丹爺根本唔在乎。」

而另一邊嘅呂慧儀,因為較早前就喺社交平台曬咗幾張收花相,仲甜蜜留言講系「簡單的幸福」,令唔少粉絲紛紛猜測,系咪已經有追求者,開始咗「第二春」?

今日呂慧儀傾到呢件事,馬上否認有追求者,佢話:「收花系開心,只系就快到母親節,啲花系相熟花店送畀我,我幫佢哋po下相啫。」

至於問到前夫會唔會幫手一齊帶仔,呂慧儀就坦言話:「我哋已經有共識,選學校亦有商有量嘅,詳情唔講太多。」

唔理點樣,都系希望佢哋可以再接再厲,繼續畀我哋帶嚟多啲更精彩嘅好作品,期待《愛回家之開心速遞》可以繼續加油,畀觀眾耳目一新嘅感覺,期待跟住嘅演出!

Like MisshkNews Facebook!不出门也能知天下事~

發佈回覆

你的電郵地址並不會被公開。