憑「魔鬼胸」正式簽約做TVB親生女,直言希望拍多d劇集

據最新消息報道,有「魔鬼胸」之稱嘅人氣女神蔚雨芯,成功簽約TVB旗下成為「親生女」。據悉,蔚雨芯簽約後首次參與拍攝TVB綜藝節目,佢拍檔林盛斌、吳若希、林秀怡等人,齊齊到珠海橫琴取景拍攝。

對此,蔚雨芯受訪時直言好開心,佢表示好興奮:“系呀,其實嗰陣份合約仲未生效,我已經去拍攝。”

問到同TVB嘅簽約年期?她話:“啱啱好。(賣身畀TVB?)又唔好咁講,大家互相合作,我好開心珍姐(曾勵珍)、樂小姐(樂易玲)幫我好多,等佢哋安排工作畀我之後,我就畀心機去做。”

現年26歲嘅蔚雨芯,入行到而家除咗唱歌之外,仲涉足影壇拍過電影,較早前佢更有份出演由TVB視後楊怡主演嘅劇集《潮拜武當》、《末代御醫》等。

冇錯,未同TVB正式建立合約關係之前,蔚雨芯就已經參演TVB劇集拍攝,可見TVB對佢關注度唔低,而家正式成為TVB親生女,相信高層一定會力捧佢。

蔚雨芯表示:跟住自己會專注拍劇方面發展,佢話:“我好中意唱歌,但未揾到啱自己嘅方向,暫時放低一下,電影、電視劇我都拍過,比較鐘意拍電視劇,因為可以入屋,但睇自己演出都覺得仲有好多進步空間,所以會放多啲心機喺演技上面。”

問到之後系咪有性感演出?蔚雨芯就坦言,唔希望繼續行性感女神路線,更加唔希望觀眾因為自己嘅身材而關注自己。

喺度,期待蔚雨芯為觀眾帶嚟多啲精彩作品,雖然作為TVB新人,要多啲努力先可以成功入屋,都希望佢可以堅持飾演好每一個角色,相信總有一日,觀眾會見到佢進步同埋努力,加油! 

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *