應屆港姐下月出戰華姐，陳曉華邵珮詩傳授心得

應屆港姐黃嘉雯下月15日代表香港出戰《2020年國際中華小姐競選》，獲同屆港姐王菲、古佩玲同陳熙蕊送上小禮物打氣，師姐陳曉華、邵珮詩到場分享參選華姐心得。

黃嘉雯坦言代表香港一定要有信心，希望可以得到好成績，但陳曉華舊年奪得華姐冠軍，為佢帶嚟壓力，仲話：「今年自己要做得更加好先有機會，才藝表演仲會選擇跳舞，會加入香港元素」。

提到考到寵物美容課程證書，黃嘉雯話：「因為覺得寵物美容幾啱我，加埋我出年想養狗，除咗可以幫自己隻狗美容，如果可以發展呢方面生意都好，又可以多啲機會接觸狗，其實我好鐘意狗，奈何屋企人唔鐘意」。