應屆港姐冠軍認同華姐延期安排,大家安全最緊要

應屆港姐冠軍黃嘉雯,原定2月15日代表香港出戰《2020年國際中華小姐競選》,日前佢出席活動獲同屆港姐王菲、古佩玲同陳熙蕊送上小禮物打氣,不過今日TVB公布華姐競選延期,日期同時間將另行通知。

黃嘉雯對此表示:我都係今日先收到公司通知,因為疫情關係,擔心好多海外佳麗呢個時候都會有危險,所以比賽會延遲。

不過黃嘉雯覺得呢個安排好啱,始終大家嘅安全係好重要,大家反而要更加小心,好好保重身體,避免去多人嘅地方,至於押後到幾時暫時就唔係好清楚。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *