應屆港姐扮鬼扮馬,化身「千年女王」

應屆港姐亞軍陳楨怡畀爆出老竇係印尼華僑富豪,佢屋企住喺位于銅鑼灣,占地二千幾呎豪宅,出入更有私人司機接車,絕對係上流千金!

雖然陳楨怡屋企大把錢唔憂做,但絕對唔会影响TVB對佢嘅力捧,繼日前宣布主持兒童節目《ThinkBig天地》之外,日前佢亦有份演出TVB綜藝節目《開心大綜藝》化身做「千年女王」。

陳楨怡留言話:「大家估唔估到我扮緊變個呢?我真係好鐘意呢個千年女王造型,第一次戴假髮感覺幾新鮮,依家已經鐘意咗金髮,遲啲可以試嚇染金色。」

講到陳楨怡,其實佢除咗識得跳舞之外,佢仲識得彈奏豎琴,佢喺港姐決賽當晚表演彈奏豎琴,表現大方讓觀眾留下深刻嘅印象,畀唔少現場評判激贊。

陳楨怡喺選美結束之后接受訪問:「今晚大家都表現好,我已經盡曬力,不過笑容方面可以再燦爛一啲,而且有小小緊張,話曬第一次表演畀大家睇。」

記者講到距離冠軍只差一步,陳楨怡話:「完全冇失望係亞軍,因為冇諗過自己可以入三甲,所以好開心。冠軍實至名歸,佢本身唔識中文,所以好努力學習。」

唔理點樣,都係希望陳楨怡喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈回覆

你的電郵地址並不會被公開。