應屆港姐自認保守,絕對唔會拍…

應屆港姐冠軍謝嘉怡當選半個月工作不停,呢日又獲邀拍廣告,佢坦言好開心,冇諗過咁快有廣告拍。對於被指較上屆冠軍黃嘉雯好彩,謝嘉怡話唔知,都唔知之后會點樣。

謝嘉怡話而家同亞嬤同住,但驚自己工作關系,每日接觸好多人,疫情下會令亞嬤增加風險,所以諗住租樓自住,等媽咪嚟港之后就會同媽咪同住。

眾所周知謝嘉怡中文唔係咁好,但佢坦言廣東話已經比參選嗰陣好,足夠應付平日工作。記者問到謝嘉怡有冇考慮識個香港男友順便學好廣東話嗰陣,謝嘉怡笑住話:「可以考慮下。」

傾到日前網上癲傳疑似謝嘉怡嘅不雅照,謝嘉怡澄清相中嘅女仔唔係佢∶「我睇相,個女仔同我唔似樣,比我瘦同靚好多。我好保守,從來唔會影呢類相。」

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *