成功大肚!52歲太太高齡有喜,51歲前TVB綠葉興奮宣布愿望成真

啱啱踏入2019年冇幾耐,娛樂圈可以講系喜事一件接一件!最近51歲前TVB藝人黃澤鋒就喺社交網上同大家開心宣布,佢將要做老豆啦!真系可喜可賀!

咁今日黃澤鋒就喺社交網上上載一張寶寶粉紅色襪嘅相,兼夾甜蜜留言話:“#1+1=3#2019愿望成真#以欣喜之心迎接新生命嘅來臨#一家三口#樂也螎螎(融融)」睇佢曬出粉色嘅襪,唔知呢胎系唔系小公主呢?

話又返嚟,黃澤鋒曾經經歷過一次失敗嘅婚姻,喺同首任太太離婚后,直到2010年先同現任太太再婚。當年45歲嘅佢同太太交往一年后,連隨認定對方為終身伴侶,佢都坦言感受到從未有過嘅幸福感覺。

而當時黃澤鋒同太太都已經系屬於高齡,不過兩個人都系希望可以擁有屬於兩個人嘅寶寶,為咗努力造人做好準備,喺奮戰九年后,52歲太太終于成功大肚!呢對兩個人嚟講,無疑系天大喜訊,黃澤鋒對于太太更加系照顧得無微不至,真系隔著屏幕都感受到兩個人嘅喜悅呢!

事后黃澤鋒喺接受訪問時就表示話:“太太大肚三個月多啲,好開心!寶寶仲好細,所以仲未知道性別,7月系預產期。反正仔女都系自己嘅,冇所謂啦!”

至於而家太太以52歲嘅“高齡”大肚,可以講系破紀錄,黃澤鋒都表示驚喜話:“咁嘅年紀都仲可以大肚,我想系破紀錄,太太都好好,佢呢個年期都犧牲好大!而家要努力賺奶粉錢,我平時教拳同小朋友游水,兩樣都辛苦!不過太太都有教拳,所以我要頂佢個位啦!”

訪問期間,黃澤鋒更加系連續講咗多次“好開心”,相信佢哋兩公婆都系十分期待小寶寶嘅到嚟啦!咁講到黃澤鋒,1967年生嘅佢,喺1987年嘅時候就加入到TVB,期間佢曾經參與咗唔少電視劇集嘅拍攝,不過飾演嘅大多數都系一啲“綠葉角色”。

譬如《洗冤錄》、《鑒證實錄2》、《西關大少》、《溏心風暴》、《千謊百計》、《古靈精探》、《搜下留情》、《鐵馬尋橋》、《五味人生》、《缺宅男女》、《換樂無窮》、《巾幗梟雄之義海豪情》、《飛虎》、《叛逃》等。

可惜嘅系,佢喺2012年嗰陣就離開咗服務24年嘅TVB。因為對國術深感興趣兼夾自細習泳,而家系泰拳拳證、裁判同教練同樣都系游水教練。唔理點樣,希望黃澤鋒可以繼續加油,同時都希望寶寶健康平安長大,期待寶寶嘅到來,再次祝福!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *