TVB嘅熱播劇《福爾摩師奶》喺尋日就迎來咗結局，唔知各位粉絲有無準時收看呢？除咗一眾實力派前輩坐鎮之外，新上位嘅演員都不容小覷，喺劇中飾演人力車夫「游池」余德丞，雖然系第二次演出，但系就已經俘獲唔少觀眾嘅心。
對于今次演出大獲好評，余德丞就表示：「可能角色同自己似樣，都系陽光正面同攪笑可愛，所以都易掌握。」除此之外，今次佢喺《福爾摩師奶》當中更加系「艷福無邊」，同兩位新晉女神有感情線發展，更同陳瀅錫咗兩次。
他笑說：「好開心，《誇世代》我就係同麥明詩、陳嘉寶有感情線，今次就系佢兩個，監制同編審似乎都對我好好，次次都畀兩個女仔我。」談及美女，自然唔少得「緋聞女友」蔡思貝，唔知三位靚女擺喺眼前，余德丞又點揀呢？
余德丞就表示：「好難難解決呢個問題，三個都要啦，因為我同佢哋都系好朋友，所以好難公正揀，同我做得朋友，大家性格接近，都系直率同真。」
其實余德丞同蔡思貝之間嘅關系，讓唔少網民一度以為兩人擦出愛火，不時喺社交網上發「甜蜜」合照，仲發一啲「撲朔迷離」嘅字，感覺真系好曖昧。
余德丞就坦言：「我哋拍旅游節目先識，拍攝過程大家從而了解，原來大家諗法都一致，呢行好難揾到坦誠朋友，都好難得思貝同陳瀅系我喺呢行可以深入少少傾到計嘅朋友，我好珍惜呢段友誼。」
至於會唔會同蔡思貝有進一步嘅發展，余德丞就表示：「我真系冇諗過，正正常常而家咪好咯。（而家系乜關系？）好好朋友，出生入死好兄弟，好似共過患難嘅感覺，大家好信任大家。（但佢系咪你鐘意嘅類型？）都算系，我鐘意運動型、陽光型，而且大家要互相了解同明白。」
唔理點樣，期待佢喺跟住TVB新劇《鐵探》中嘅精彩演出，大家不妨一齊拭目以待！
Like MisshkNews Facebook！不出门也能知天下事～
