拒做樓奴!35歲TVB上位小生入行九年 坦言寧愿住村屋

今時今日香港地要有樓真系唔易,如果冇屋企嘅幫助,一個普通打工仔要儲錢買樓,比完訂金仲要供足二、三十年,一生人嘅下半世便奉獻咗喺供樓上,成為「樓奴」。

作為星面,表面風風光光,外人當然認為佢哋買樓易過借火,其實又系咪緊呢?許家杰喺TVB打滾多年,最近終于憑「送水輝」一角彈起,但想買樓就唔系易事。

佢今日出席劇集《兄弟》宣傳活動嘅時候,接受訪問,佢表示:「我覺得而家買樓唔抵,當你一年賺二、三十萬人工,但一層樓幾百萬!,可能你人生之后廿幾三十年都畀咗呢層樓。可能因為我住村屋又可以同屋企人住,我會寧愿裝修村屋都好過買幾百萬樓。」

至於自己會唔會做樓奴,家杰就話唔會嘞:「我唔覺得自己系樓奴,我有一種心態,我做人比較享受人生嘅經歷,有人覺得有一層樓就系一個目標,我覺得如果畀我揀,我寧愿要一個好嘅角色。我算幸福,家人有地方畀我住,香港又寸金尺土,希望每個人都穩到自己嘅蝸居。」

Like MisshkNews Facebook!不出门也能知天下事~

發佈回覆

你的電郵地址並不會被公開。